2006年12月23~26日 廣州又食又飲之旅

唔係講笑, 人生一大快事, 就係食同飲(飲酒作樂)! 哈!

所以有4日假, 緊係又同d朋友仔去食同飲啦, 仲洗講咩!

第一日去到廣州已經大飲大食, 飲到死左一半, 好眼訓呀, 之后仲去左唱K, 我地都唔知幾勁, 幾條友唱到講唔到野先走, 哈哈~~~我諗都有4,5點先訓.....zzzzzzZZZZ

第二日又係去食, 去左好出名一家店食, 就係"東來順"啦~ 果到有咩出名? 啍~ 真係話你唔識野, 之唔係"涮羊肉" lor!! yeah!! 食食食!!! (不過老實講, 同總店有少少唔同, 就係d種類唔夠多!)
不過今日已經完全飲唔到啦, 因為前一晚飲得太多, 溝幾種酒飲, 飲到今日全日都傻下傻下! >_<

第三日唔洗我講, 緊係都一樣係食! 今次入左去五星級的家食飯, 呵呵呵!! 食食食!! 人生真美好! 哈哈!

到第四日 - 今日, 返黎 lu, 因為聽日又要返工啦, 鳴嗚......幾時先可以只係食同訓呀?!!!

10/Dec 06 fishing day!

早一個星期前, 我表姐夫打黎問我去唔去釣魚喎, 啍~ 仲洗問架咩?! 緊係去啦, 死人都去呀! 成年幾冇去過, 所以依幾日都心情興奮!! 呵呵~

不過因為唔夠訓, 今日起身已經想死, 加上自已冇睇天氣報告先搵外套著, 所以一出去海就覺得好鬼凍! 嗚~~

加上上到船先食野, 唉, 一食完份早餐唔夠半個鍾就已經想嘔, 唔只我係咁, 成9個人, 5個都死左一半, 4個人仲嘔埋, 我冇嘔到, 不過就好辛苦, 所以入左船倉訓左個幾鍾先起得返身, 嗚~

到我起身時, 有二個人已經臉都青埋, 不過其他人都釣到魚, 都有5~6條夠整返個魚湯飲下, 唔係講笑, 因為新鮮, 所以好好飲喎~ 好少飲到咁好飲嘅魚湯....嘻嘻!!

到中午係船到食完飯, 唉, 我又想嘔, 又頭暈, 仲有二個終於都頂唔順, 要係赤柱美麗樓上岸走左先!

之后我地7個人再玩到5:30都只係釣倒4~5條魚! 心都淡埋!! >_<

今日真係又大風, d浪有成6米高, 暈到個個冇曬表情 >_<

所以大家都話, 依二個月都唔會再出海住, 要過左舊曆年先再約出黎釣過啦~!

希望下次唔洗咁大浪就唔洗個個又暈又嘔啦~!!

瑪莉生日快樂 - 2006

每年瑪莉生日, 我地成班老成都會出黎食飯, 飲酒吹水~ 所以今年都唔黎外, 又黎過! wow!!

依個小小的約會, 都有成十年啦, 成班由細玩到大, 都一樣仲係唔正常, 成班癲仔~ 呵呵!! 不過真係好開心架!!

張相內由左上開始老友名單如下:~
呀生, 呀寶(我細佬), 呀細, 生日嘅肥婆係我表姐瑪莉, sara同佢同事(我第一次見佢)
下一行人係: Handsome根(我細佬個朋友, 佢死都要迫我地叫佢做handsome!! shit...),
肥佬就係我表姐夫啦, 而我就唔知點解比人捉住, 都幾好笑! 哈哈!!

OK! 下年再黎過!! 呵呵呵呵~~~~
***Happy Birthday to Mary Yan!! Yeah!!!!