10/Dec 06 fishing day!

早一個星期前, 我表姐夫打黎問我去唔去釣魚喎, 啍~ 仲洗問架咩?! 緊係去啦, 死人都去呀! 成年幾冇去過, 所以依幾日都心情興奮!! 呵呵~

不過因為唔夠訓, 今日起身已經想死, 加上自已冇睇天氣報告先搵外套著, 所以一出去海就覺得好鬼凍! 嗚~~

加上上到船先食野, 唉, 一食完份早餐唔夠半個鍾就已經想嘔, 唔只我係咁, 成9個人, 5個都死左一半, 4個人仲嘔埋, 我冇嘔到, 不過就好辛苦, 所以入左船倉訓左個幾鍾先起得返身, 嗚~

到我起身時, 有二個人已經臉都青埋, 不過其他人都釣到魚, 都有5~6條夠整返個魚湯飲下, 唔係講笑, 因為新鮮, 所以好好飲喎~ 好少飲到咁好飲嘅魚湯....嘻嘻!!

到中午係船到食完飯, 唉, 我又想嘔, 又頭暈, 仲有二個終於都頂唔順, 要係赤柱美麗樓上岸走左先!

之后我地7個人再玩到5:30都只係釣倒4~5條魚! 心都淡埋!! >_<

今日真係又大風, d浪有成6米高, 暈到個個冇曬表情 >_<

所以大家都話, 依二個月都唔會再出海住, 要過左舊曆年先再約出黎釣過啦~!

希望下次唔洗咁大浪就唔洗個個又暈又嘔啦~!!